دانش مندی

ایک دفعہ کا ذکر ہے کہ روائیتی ''کاپی پیسٹنگ'' کے سلسلے میں میں کچھ ''دانش مندوں'' کی ''پروفائیلیں'' وزٹ کر رہا تھا کہ اسی دوران میرے دل میں بھی ''دانش مند'' بننے کی چاہ پیدا ہوئی۔ اگر چہ زندگی کی سولاں بہاریں گزار چکا تھا اور اس عرصے میں ''دانش مندی'' مجھ سے 50 مربع کلو میٹر دور ہی رہی تھی مگر پھر بھی میں نے اپنی ''ول پاور'' پہ اندھا اعتماد کرتے ہوئے ''دانش مند'' بننے کی ٹھان لی۔ ''دانش مندی'' کی ابتدائی تعلیم تو میں اپنے پہلے استاد ''ڈی ڈی'' سے حاصل کر ہی چکا تھا۔ ''ڈی ڈی'' کا تعارف یہ کہ وہ کسی تعارف کا محتاج نہیں، بلکہ یہ کہا جائے تو بہتر ہوگا کہ وہ اس قابل بھی نہیں۔ ''ڈی ڈی'' ہمیشہ مجھے ایک لاطینی مقولہ سنایا کرتا تھا ''میں آپ بڑا کنجر ہوں''۔ پہلے پہل تو میں اس مقولے کو سمجھنے سے قاصر رہا۔ مگر ''ڈی ڈی'' کی جانب سے  ناقابل برداشتی خواہ مخواہی انفرینڈ ہونے کے بعد یہ مقولہ کافی معقول محسوس ہوا۔ خیر دنیا کی موٹریں تو چلتی رہتی ہیں اور پانی یہاں وہاں ہوتا رہتا ہے۔ ''دانش مندی'' کی سیکنڈری تعلیم میں نے اپنے نمبر 2 استاد ''بی پی'' سے حاصل کی۔ ''بی پی'' کا تعارف یہ کہ وہ حساب کتاب کے حساب سے میرے دو نمبری جبکہ دکھنے میں چنگے بھلے ایک نمبری بندے ہیں۔ اس سے زیادہ ان کا تعارف بنتا تو نہیں ہے مگر پھر بھی بتادوں آپ ماہر ''بی پی ازم'' بھی ہیں۔ ''بی پی'' میرے بارے میں کہا کرتے تھے '' تیرے سبجیکٹس جان ویلیائی، ڈفریات اور بی پی ازم ہیں، دانش مندی سے دور ہی رہا کر"۔
''دانش مندی'' کی اعلیٰ تعلیم کے لیئے میں نے ''گورنمنٹ کالا پیلا کالج برائے خواتین وحضرات'' میں داخلہ لیا تو وہاں میرا سامنا اردو والی ''مس فرخندہ'' اور اردو ایڈوانس والے ''سر مستقیم'' سے ہوا۔ ''سر مستقیم'' کے لیئے ٹکر جانا پڑھا جائے۔ مس فرخندہ کا تعارف یہ کہ وہ ٹیچری کرنے کا شوق رکھتی ہیں اور خوش قسمتی نما بدقسمتی سے ٹیچری کر بھی لیتی ہیں۔ اب تک یہ جتنی دعا نما  بدعائیں لے چکی ہیں امید بھرا خدشہ ہے کہ جلد ہی پیپلز پارٹی جوائن کرکے خوار ہونگی۔ جبکہ اردو ایڈوانس والے ''سر مستقیم'' پاٹ ٹایئم آستانہ بھی چلاتے ہیں۔ آپ کی انہی حرکتوں کے اعتراف میں ''بنانا ریپبلک'' نے آپ کو ''باباجی'' کے خطاب سے بھی نوازا ہے۔ ''باباجی'' انتہائی محنتی اور چپکو، شفیق اور پکاؤ، رحم دل اور خشک استاد ہیں۔ یہاں ہمارے کالج کے ایک نالائیق استاد کا ذکر بھی ضروری ہے۔ بتادوں؟ بتادوں؟ جاؤ بخشا۔
اپنی خداداد صلاحیتوں، اپنے سچے والے جذبے جنون ہمت و لگن، اور اپنی ہی انتھک محنتوں کی بدولت میں دانش مندی کی تعلیم مکمل کر چکا ہوں۔ اور ہمیشہ کی طرح کسر نفسی سے کام لیتے ہوئے اس کا کریڈٹ بھی بوقت ضرورت اپنی اوقات دکھا  دینے والے دوستوں اور نالائیق استادوں کے سر ڈال دیتا ہوں۔ دانش مندی اور مجھ میں اب صرف اتنا ہی فاصلہ رہ گیا ہے جتنا کہ پاکستان اور خوشحالی میں پولیس اور ایمانداری میں یا پھر قائم علی شاہ اور اور جوانی میں۔

ٹو بی کنٹی نیوڈ۔ ۔ ۔ ۔ ۔